耶穌 至好朋友 Jesus Is the Friend

至好朋友就是耶穌　祂永遠在咱身邊

當咱憂悶心煩惱　厭倦失志將跌倒
黑暗驚惶四面包圍　咱當永遠相信主
相信主會光照咱　照明咱的路
用祂的愛　賞賜你與我

咱若行在歪斜之路　耶穌會來引導
咱著跟隨祂的腳步　在咱的所做所行
祂要引導咱　永遠是咱獨一至好的朋友

至好朋友就是耶穌　擔當罪過與煩惱
的確不可驚惶失志　萬事祂攏會照顧
咱若懇求祂的赦免　祂會用愛來包圍
至好朋友就是耶穌　祂永遠在咱身邊

當咱路途愈崎嶇　需要有人來信靠
重擔如黑雲罩落來　耶穌要牽咱的手
祂知咱欠缺　祂要永遠保守看顧咱
當咱遇到試驗之時　祂會施恩賜福
用祂的愛來包圍咱

當咱失志心驚惶　咱可求叫祂
祂是至好朋友　永在咱身邊
至好朋友耶穌　永在咱身邊