為著美麗的地面
For the Beauty of the Earth

為著美麗的地面，為著燦爛的星辰，
為著阮出世以來，所受一切的慈愛，
天父上帝阮齊聲，謳咾稱呼祢尊名。

為著逐時的景緻，無論冥日美無比，
山水花木好光景，日月星辰照光明，
天父上帝阮齊聲，謳咾稱呼祢尊名。

為著溫暖的家庭，兄弟姊妹父母情，
天頂地上好朋友，關心看顧又溫柔，
天父上帝阮齊聲，謳咾稱呼祢尊名。

為著主至大恩惠，白白賞賜阮人類，
聖神恩典與人情，地上生活與永生；
天父上帝阮齊聲，謳咾稱呼祢尊名。